thebr24news
વડોદરા આરટીઓમાં બે દિવસથી ટેક્નિકલ કારણોસર સર્વર ડાઉન થઈ ગયું છે. જેના કારણે અનેક લોકોને ધક્કો પડી રહ્યો છે. જ્યારે અરજદારોની તમામ અપોઈન્ટમેન્ટ રદ કરી દેવાઈ હતી.
ઓટોમેટેડ ડ્રાઈવિંગ ટેસ્ટ ટ્રેક સોફ્ટવેર જીસ્વાન માધ્યમથી સારથી સોફ્ટવેર સાથે સંકલન સાંધી પ્રોસેસ કરતું હોય છે. ગતરોજ ટેકનિકલ કારણોસર બે વખત કામગીરી ખોરવાઈ હતી. દરમ્યાન આજેપણ સવારથી ડ્રાઈવિંગ ટેસ્ટની કામગીરી બંધ રહી છે. ગઈકાલે આરટીઓમાં 50થી વધુ અરજદારોની અરજી રદ કરી દેવાઈ હતી. આજે અંદાજે ટુ વ્હીલર 180 અને ફોરવીલર 120 મળી કુલ 300 જેટલી અરજીઓને રીસીડ્યુલ કરાઈ હતી. અરજી રિશિડયુલ થતા અરજદારોને મેસેજ થકી સમગ્ર બાબતની જાણકારી આપવામાં આવે છે. લોકો કામ-ધંધા બંધ રાખીને ડ્રાઈવિંગ ટેસ્ટ આપવા માટે અને પાર્સિંગ સહિતની કામગીરી માટે જતા હોય છે. પરંતુ આરટીઓનું સર્વર ડાઉન થઈ જતા હાલાકી વેઠવાનો વખત આવે છે. આમ, અવાર નવાર આરટીઓનું સર્વર બંધ થાય છે, પણ હજુ સુધી આ સમસ્યાનો કાયમી ઉકેલ આવ્યો નથી.
