thebr24news
વડોદરા જિલ્લાના કરજણ તાલુકામાં નેશનલ હાઈવે-48 પર શિવ વાડી મંદિર નજીક કેનાલમાંથી એક અજાણ્યા પુરુષનો મૃતદેહ મળી આવતાં વિસ્તારમાં ચકચાર મચી ગઈ છે.
મળતી માહિતી મુજબ, સ્થાનિક લોકોની જાણ બાદ કરજણ પોલીસ તાત્કાલિક ઘટનાસ્થળે પહોંચી મૃતદેહને બહાર કાઢી પોસ્ટમોર્ટમ માટે મોકલી આપ્યો છે. હાલ મૃતકની ઓળખ અંગે કાર્યવાહી હાથ ધરાઈ છે તેમજ મૃત્યુનું કારણ જાણવા વધુ તપાસ ચાલી રહી છે.
પોલીસ દ્વારા આસપાસના સીસીટીવી ફૂટેજ, સ્થાનિક લોકોના નિવેદનો અને અન્ય તકનીકી આધારોના આધારે સમગ્ર મામલાની દિશામાં તપાસ શરૂ કરવામાં આવી છે.
આ બનાવને લઈ સ્થાનિકોમાં ભય અને ઉત્સુકતા ફેલાઈ છે. કરજણ પોલીસ દ્વારા નાગરિકોને અફવાઓથી દૂર રહેવાની અને તપાસમાં સહકાર આપવા અપીલ કરવામાં આવી છે.
