લક્ષ્મીપુરા અને ગોરવા પોલીસે જુગારના જુદાજુદા બે કેસ કરી કુલ સાત જુગારીયાની અડધો લાખની મત્તા સાથે અટકાયત કરી છે.

ન્યુ અલકાપુરીના શેરવુડ્સ બંગ્લોઝ પાછળ ખુલ્લમાં કેટલાક લોકો જુગાર રમતા હોવાની માહિતી મળતાં લક્ષ્મીપુરા પોલીસે દરોડો પાડી પ્રવિણ હાવસિંગભાઇ અમલીયાર (ભેંસાસુરનગર, સમતા રોડ),રણજિત ડાહ્યા ભાઇ બારીયા(વૈકુંઠ ફ્લેટ, સમતા) અને સન્ની રમેશભાઇ બજાણીયા (બજાણીયાવાસ, ગોરવા)ને ઝડપી પાડી રોકડા રૂપિયા ૧૧,૨૮૦ કબજે કર્યા હતા. જ્યારે,ગોરવા પોલીસે સ્વામી વિવેકાનંદ હાઇટ્સ-૩ સામે શાકમાર્કેટ પાછળ જુગાર રમતા રવિ પ્રકાશભાઇ ચાવડા(ઝવેર સો. બાજવા),ગૌતમ કાન્તિલાલ સાવલીયા (વાલ્મિકનગર, ગોરવા), રવિશંકર ઇન્દ્રાસન શર્મા (સત્યમ એપાર્ટમેન્ટ, ગોરવા) અને ચિરાગ કમલેશભાઇ દરજી (અમૃતનગર, લક્ષ્મીપુરા)ને ઝડપી રોકડા રૃ.૨૦,૮૦૦ અને પાંચ મોબાઇલ કબજે કર્યા હતા.