thebr24news
વડોદરા શહેરના દિવાળીપુરા વિસ્તારમાં રાજીવ નગર પાસે એક અકસ્માતની ઘટના સામે આવી છે. જ્યાં કાર ચાલકે રિવર્સ લેતા નિયંત્રણ ગુમાવી કારને ડિવાઈડર ઉપર ચડાવી દીધી હતી.
આ દરમિયાન પાછળથી પસાર થઈ રહેલા એક સાઇકલ સવાર વૃદ્ધને કાર નીચે કચડાતા ગંભીર ઇજાઓ પહોંચી હતી.
સ્થાનિક લોકો તાત્કાલિક દોડી આવ્યા હતા અને ઈજાગ્રસ્ત વૃદ્ધને 108 એમ્બ્યુલન્સ મારફતે સારવાર અર્થે હોસ્પિટલ ખસેડવામાં આવ્યો હતો.
ઘટનાની જાણ થતાં જ પોલીસ તાત્કાલિક સ્થળ પર પહોંચી હતી અને આગળની કાર્યવાહી હાથ ધરી હતી.
આ સમગ્ર ઘટના નજીકમાં લગાવેલા સીસીટીવી કેમેરામાં કેદ થઈ ગઈ છે, જેના દૃશ્યો હાલ સામે આવ્યા છે.
