thebr24news
વડોદરા શહેરના હરણી વિસ્તારમાં આજે અચાનક આગનો બનાવ બનતા સ્થાનિકોમાં ફાળ પડી હતી. હરણી સ્થિત પાણીની ટાંકીની પાછળ આવેલા ખુલ્લા પ્લોટમાં પડેલા કચરાના વિશાળ ઢગલામાં કોઈ અગમ્ય કારણોસર આગ ફાટી નીકળી હતી. પવનના કારણે આગે જોતજોતામાં વિકરાળ સ્વરૂપ ધારણ કરી લીધું હતું, જેના કારણે આકાશમાં કાળા ધુમાડાના ગોટેગોટા જોવા મળ્યા હતા.
ઘટનાની જાણ થતા જ વડોદરા ફાયર બ્રિગેડની ટીમ તાત્કાલિક ઘટનાસ્થળે દોડી આવી હતી. ફાયર ફાઈટરોએ સતત પાણીનો મારો ચલાવી ભારે જહેમત બાદ આગ પર સંપૂર્ણ કાબૂ મેળવ્યો હતો. સદનસીબે, આગ રહેણાંક વિસ્તારમાં ફેલાય તે પહેલાં જ બુઝાવી દેવામાં આવતા મોટી જાનહાનિ કે નુકસાન ટળ્યું હતું. પ્રાથમિક દ્રષ્ટિએ કચરામાં ફેંકાયેલી સળગતી બીડી કે શોર્ટ સર્કિટના કારણે આગ લાગી હોવાનું અનુમાન સેવાઈ રહ્યું છે.
